Höfundur bókarinnar, Ingibjörg Midsem Dahl, hefur sjálf lifað með ME frá árinu 1983. Hún skrifaði bókina til að kynna fyrir öðrum þær aðferðir sem hafa reynst henni vel til að að ná langvarandi bata upp að ákveðnu marki. Þar skiptir samspil hvíldar og virkni mestu máli og að finna besta jafnvægið þar á milli. Þetta er nokkuð sem reynist fólki mjög erfitt og því er þessi bók góður leiðarvísir. Hún kynnir mismunandi aðferðir eftir veikindastigi sjúklingsins með tilliti til ólíkra þátta sem hver og einn myndi vilja einbeita sér að svo sem fjölskyldulífi, skóla og tómstundum.

ME á það sameiginlegt með mörgum öðrum langvinnum sjúkdómum að lækningu er ekki að finna við sjúkdómnum en aðferðir á borð við virkniaðlögun geta hjálpað fólki að finna sína leið til þess að lifa með sjúkdómnum.