Tekurðu D-vítamín?


Nanna Hlín Halldórsdóttir, doktor í heimsspeki og stjórnarkona hjá ME félagi Íslands heldur fyrirlestur um veruleika langveikra, til dæmis fólks með ME.

Fyrirlestur hennar nefnist:

Tekurðu D-vítamín? Heilsa, nýfrjálshyggja og einstaklingsvæðing ábyrgðar.

Í kynningu á fyrirlestrinum segir:

Flest okkar upplifa flensu og veikindi í hversdagslífinu en hjá sumum okkar dragast þessi veikindi á langinn. Langveikt fólk lifir oft við annað hvort óskilgreind veikindi eða lítt viðurkennda sjúkdóma á borð við ME/síþreytu. Oftar en ekki býr þessi hópur þannig við erfið lífsskilyrði og jafnvel mikla örvæntingu. Þegar erfitt er að staðsetja orsök veikinda út frá skýrt skilgreindum þekkingaramma vísindanna hefur það í för með sér þær félagslegu afleiðingar að langveiku fólki er beint eða óbeint send þau skilaboð að veikindin séu á einhvern hátt þeim sjálfum að kenna.

Fyrirlestur Nönnu er sá fimmti í fyrirlestraröð RIKK – Rannsókna-stofnunar í jafnréttisfræðum – og UNU-GEST – Jafnréttisskóla Háskóla Sameinuðu þjóðanna – á vormisseri 2019.

Hvenær? Næstkomandi fimmtudag 7. mars klukkan 12:00-13:00

Hvar? Í Þjóðminjasafni Íslands.

HÉR ER FYRIRLESTURINN Á YOUTUBE.

Hér er umfjöllun um Nönnu Hlín og fyrirlesturinn á síðu RIKK.

Hér er fyrirlesturinn á Facebook.


Fréttir