Fræðslufundur og jólakaffi

13.12.2019

Í gær bauð félagið til jólakaffis og fræðslufundar þar sem þrír íslenskir læknar sögðu frá því sem er gerast um þessar mundir í sambandi við ME bæði erlendis og hér á Íslandi. Það var alveg einstaklega gleðilegt að heyra af því að á læknadögum í janúar 2020 verður fræðsluþing um ME sem þessir og fleiri læknar standa að. Nú er rætt hvar ME skuli staðsett innan heilbrigðiskerfisins, hvernig hægt sé að auðvelda greiningu og margt fleira sem sjúklingar hafa lengi látið sig dreyma um. 

 

Friðbjörn Sigurðsson er krabbameinslæknir og framhaldsmenntunarstjóri lyflækninga á Landspítalanum. Hann sagði frá starfi Evrópsku ME læknasamtakanna EMECC (European ME Clinicians Council) sem hann er hluti af. Einnig sagði hann frá því hvað þessi íslenski samstarfshópur lækna hefur rætt á sínum fundum, til dæmis hvernig best væri að kynna sjúkdóminn bæði fyrir læknum og almenningi. Fulltrúar hópsins fóru á fund landlæknis og fleiri merkilegir fundir eru á döfinni. 

 

Kristín Sigurðardóttir bráðalæknir hélt erindi á fræðslu- og jólafundi félagsins fyrir ári síðan. Hún kom aftur á fundinn í ár og sagði frá ráðstefnu um ME í Svíþjóð sem hún fór á í haust. Kristín fylgist mjög vel með ME rannsóknum og hefur frá mörgu að segja.

 

Tekla Hrund Karlsdóttir læknir starfar með rannsóknahópnum EMERG (European ME Research Group) sem er rannsóknarteymið í evrópska samstarfinu. Hún sagði frá ýmsu áhugaverðu varðandi ME og einnig hvernig áhugi hennar á ME kviknaði.

 

Eftir kaffihlé var fyrirspurnatími og þá bættist Una Emilsdóttir lyflæknir í hópinn. Hún hefur mikinn áhuga á umhverfislækningum sem snúast um hver áhrif efni í mat og öllu umhverfi okkar hefur á heilsuna.

 

 

 

 

 

 

Please reload

Fréttir
Please reload

 

ME félag Íslands

Pósthólf 600

222 Hafnarfjörður

 

Sími: 620-2011

 

mefelag@gmail.com

Viltu styrkja félagið?

Allt starf er unnið í sjálfboðavinnu en viljir þú styrkja félagið til að hjálpa til við að mæta rekstrarkostnaði er auðvelt að gera það hér eða leggja beint inn á reikning félagsins:

Kennitala: 650311-2480

Banki: 101-26-42480

ME félag Íslands er aðili að:

 

              Öryrkjabandalagi Íslands

             

              European ME Alliance

             

              Nordic ME Network

Félagið á samfélagsmiðlum:

  • Facebook
  • Twitter
  • YouTube
  • Instagram