Tímamót í sögu ME í Evrópu

21.6.2020

Það bárust stórfréttir frá Evrópu nú í vikunni þegar Evrópuþingið samþykkti að fara fram á það við framkvæmdaráð Evrópusambandsins að veita auknu fjármagni til rannsókna á ME.

 

Í tillögunni sem samþykkt var með miklum meirihluta er meðal annars bent á að áætlað er að um tvær milljónir evrópubúa þjáist af ME og að fjárhagsleg byrði Evrópulandanna vegna sjúkdómsins sé um 40 billjónir evra.

 

Auk þess segir:

Myalgic encephalomyelitis er langvarandi tauga- og ónæmissjúkdómur sem hefur áhrif á mjög marga. Því miður er ekki mikið vitað um orsakir ME eða lækningu. Við viljum auka lífsgæði sjúklinga og fjölskyldna þeirra og draga úr þjáningum þessa fólks og félagslegri einangrun.

 

Bent er á að þessi fjárveiting kalli á aukið samstarf Evrópuþjóða um rannsóknir svo unnt sé að koma fram með greiningu og meðferð sem fyrst.

 

Í umræðunni var farið inn á stöðu sjúklinga við núverandi ástand; þekkingarleysi heilbrigðiskerfisins og almennings og nauðsyn þess að auka fræðslu um sjúkdóminn.

 

Hér má sjá tillöguna sem er mjög merkileg lesning.

 

Það eru ákveðin tímamót að sjá þetta erindi á efstu stigum stjórnsýslu Evrópu því þarna er útlistaður sá raunveruleiki sem ME sjúklingar, aðstandendur þeirra og margir úr lækna- og vísindasamfélaginu hafa lengi reynt að vekja athygli á með litlum árangri. Tillagan ein og sér og svo samþykkt hennar með meirihluta er sigur í sjálfu sér og rík ástæða til að gleðjast.


Hér má sjá frétt um málið sem unnin er upp úr tillögunni.

 

Please reload

Fréttir
Please reload

 

ME félag Íslands

Pósthólf 600

222 Hafnarfjörður

 

Sími: 620-2011

 

mefelag@gmail.com

Viltu styrkja félagið?

Allt starf er unnið í sjálfboðavinnu en viljir þú styrkja félagið til að hjálpa til við að mæta rekstrarkostnaði er auðvelt að gera það hér eða leggja beint inn á reikning félagsins:

Kennitala: 650311-2480

Banki: 101-26-42480

ME félag Íslands er aðili að:

 

              Öryrkjabandalagi Íslands

             

              European ME Alliance

             

              Nordic ME Network

Félagið á samfélagsmiðlum:

  • Facebook
  • Twitter
  • YouTube
  • Instagram