Rituximab rannsóknin brást vonum
Undanfarin ár hefur norsk rannsókn á krabbameinslyfinu Rituximab vakið alþjóðlega athygli og niðurstöðunnar verið beðið með mikilli eftirvæntingu. ME samfélagið allt var mjög vongott um að nú væri loks að koma fram lyf sem sannanlega virkaði gegn sjúkdómnum.
Fyrri umferðir rannsóknarinnar gáfu góða von og því kemur það flestum á óvart að niðurstaða lokaáfangans skyldi vera neikvæð. Rannsakendur sögðu frá þessu í síðustu viku þótt ekki sé búið að birta niðurstöðurnar enn, það verður ekki gert fyrr en á næsta ári.
Dr. Fluge er annar höfunda rannsóknarinnar, hinn er dr. Mella. Dr. Fluge kom einmitt á ráðstefnu ME félags Íslands í september og sagði frá rannsókninni. Við höldum áfram að fylgjast með og bíðum þess að niðurstöður með skýringum birtist að nokkrum mánuðum liðnum.
