ME í breska þinginu
Skoska þingkonan og vísindakonan Carol Monaghan, MP, ávarpaði í dag neðri deild breska þingsins (House of Commons) þegar hún stóð fyrir umræðum um ME og PACE rannsóknina sem hefur haft mikil áhrif á meðhöndlun sjúklinga.
Nú virðist vera að margir annmarkar hafi verið á PACE rannsókninni. Niðurstöður hennar voru notaðar til að móta stefnu heilbrigðisyfirvalda í Bretlandi varðandi meðhöndlun ME sjúklinga. Læknar fengu fyrirmæli um að mæla með stigvaxandi æfingaprógrammi og hugrænni atferlismeðferð fyrir þennan sjúklingahóp.
PACE rannsóknin hefur haft áhrif um allan heim á meðhöndlun ME sjúklinga. Í dag var farið fram á að þessar leiðbeiningar væru afturkallaðar og að meira fjármagni væri varið til rannsókna á sjúkdómnum.
